په اسپانیا کې د اورګاډي له پېښې مخکې د خبرو غږیز ریکارډونه خپاره شول

کوټه (وېب نيوز) د اسپانیا رسنیو د اورګاډي له خونړۍ پېښې مخکې د چلوونکو او د رېل پټلۍ د کنټرول مرکز ترمنځ د خبرو غږیز ریکارډونه خپاره کړي دي. په پېښه کې لږ تر لږه ۶۹ کسان مړه او لسګونه نور ټپیان شوي دي. د لومړنیو معلوماتو له مخې، له مادرید څخه سېویل ته روان اورګاډی له یوه ولاړ اورګاډي سره ټکر شوی دی. غږیز ریکارډونه ښيي، چې د تخنیکي ستونزو او د اشارو د نظام له خرابۍ سره سره اورګاډو ته د حرکت لارښوونې ورکړل شوې وې. چارواکي د پېښې د لاملونو څېړنه کوي.