د حب بند ته نږدې د نامعلومو کسانو په ډزو دوه ځوانان ووژل شول

حب(ویب نیوز)د حب بند ته نږدې د نامعلومو کسانو په ډزو دوه ځوانان وژل شوي دي. د مرستندویه سرچینو په وینا، دواړو ځوانانو ته دوه، دوه ډزې شوې وې. د روغتون سرچینو د وژل شویو کسانو پېژندنه د اسد بندیجه او اصغر په نومونو کړې ده. مړي د قانوني چارو لپاره ملکي روغتون ته لېږدول شوي دي. پولیسو د پېښې پلټنې پیل کړې، خو د ډزو لامل تر اوسه نه دی معلوم شوی.