د چین د کمونېست ګوند لوړپوړی چارواکی نن پاکستان ته راځي

کوټه (ویب نیوز) د چین د کمونېست ګوند د مرکزي کمېټې د نړیوالو چارو د څانګې وزیر لیو های شینګ د پاکستان د لومړي وزیر مرستیال او د بهرنیو چارو وزیر اسحاق ډار په بلنه نن اسلام اباد ته خپل لومړی رسمي سفر کوي. د پاکستان د بهرنیو چارو وزارت په وینا، نوموړی به د پاکستان له سیاسي مشرانو سره لیدنې وکړي او د نومبر په دویمه نېټه به له اسحاق ډار سره په یوه لوړه کچه غونډه کې ګډ مشري وکړي. د دې سفر موخه د دواړو هېوادونو ترمنځ د سیاسي اړیکو او اوږدمهاله ستراتیژیکې همکارۍ پیاوړتیا ده.