بیرسټر سلمان صفدر په اډیاله زندان کې له عمران خان او بشریٰ بي بي سره ولیدل

اسلام‌آباد (ویب نیوز) د پاکستان تحریک انصاف مشر بیرسټر سلمان صفدر ویلي چې د اډیاله زندان چارواکو د ماسپښین په څلور نیمو بجو هغه ته د ګوند له بنسټګر عمران خان او د هغه له مېرمنې بشریٰ بي بي سره د ۴۰ دقیقو ملاقات زمینه برابره کړه. د نوموړي په وینا، له بشریٰ بي بي سره له ۱۱ میاشتو او له عمران خان سره له اوو میاشتو وروسته ملاقات وشو. هغه وویل چې دا وخت د ټولو قانوني چارو او مقدمو په اړه د تفصیلي خبرو لپاره کافي نه و، خو دواړو د خپلې روغتیا او د زندان د حالاتو په اړه معلومات ورکړل او د ځینو قانوني چارو په اړه یې نوې لارښوونې هم وکړې.