په بلوچستان کې د سپورټ میدانونو د ابادولو په برخه کې د سپورټونو محکمه په بشپړه توګه ناکامه شوې

کوټه(وېب نیوز) په بلوچستان کې د سپورټ میدانونو د ابادولو په برخه کې د سپورټونو د محکمې پر فعالیتونو پوښتنې راپورته شوې دي او د سپورټي فعالیتونو د محدودېدو له امله اندېښنه ښودل شوې چې ځوانان ښايي د نشه يي توکو پر لور ولاړ شي. د راپور له مخې له بلوچستان سره تړاو لرونکي هغه لوبغاړي هم له ستونزو سره مخ دي چې په بېلابېلو لوبو کې یې د صوبې او هېواد نوم روښانه کړی، په داسې حال کې چې له هېواده بهر په سیالیو کې د ګډون کوونکو لوبغاړو لپاره د حکومتي مالي مرستې د نه ورکولو لارښوونې هم شوې دي. د سپورټونو سیکرټري تایید کړې چې چیف سیکرټري بلوچستان لارښوونه کړې چې له هېواده بهر په سپورټي سیالیو کې ګډون کوونکو لوبغاړو ته دې مالي مرسته ورنه کړل شي. بلخوا د سپورټ له برخې سره تړلي کسان وايي چې د فوټبال په ګډون د نورو لوبو د ودې، د ځايي استعدادونو د ملاتړ او د ځوانانو د مثبتو فعالیتونو پر لور د هڅولو لپاره د سپورټونو محکمې باید اغېزمن اقدامات وکړي.