کوټه: د زړه ناروغۍ زیاتوالی، ځوانان هم له خطر سره مخ دي

کوټه (ویب نیوز) په کوټه کې د زړه ناروغیو او ناڅاپي زړه حملو د پېښو د زیاتېدو له امله اندېښنه څرګنده شوې، په داسې حال کې چې د ناسالم ژوند طرز له امله ځوانان هم له خطر سره مخ دي. طبي کارپوهان وايي چې د فاسټ فوډ، کولډ ډرنکس، غیر متوازنې او غوړو خوړو ډېر استعمال، چاغوالی، له ورزش څخه لرېوالی، تر ناوخته ویښ پاتې کېدل او د موبایل او نورو سکرینونو اوږدمهاله استعمال د زړه روغتیا ته زیان رسولی شي. کارپوهانو ځوانانو ته د متوازن خوراک، ورځني ورزش، د وزن کنټرول او مناسب خوب سپارښتنه کړې او د وینې فشار، شکر او کولېسټرول د پر وخت معاینې یې مهمې بللې دي. د سینې درد، ساه لنډۍ، غیر معمولي خولې کېدو یا ناڅاپي کمزورۍ په صورت کې د سمدستي طبي مرستې غوښتنه شوې ده.