د حکومت او پي ټي آی ترمنځ په ۲۴ تر ۴۸ ساعتونو کې د پرمختګ تمه ده: طلال چوهدري

اسلام‌اباد (ویب نیوز) د کورنیو چارو وزیر مملکت سناتور طلال چوهدري ویلي چې د حکومت او تحریک انصاف ترمنځ په راتلونکو ۲۴ تر ۴۸ ساعتونو کې د خبرو په بهیر کې د پرمختګ امکان شته. نوموړي په یوه ټلویزیوني خپرونه کې وویل، هغه ستونزې چې د خبرو له لارې حل کېدای شي، د مارچ له لارې نه شي حل کېدای. نوموړي اسلام‌اباد ته د پي ټي آی د راتګ په اړه هم سخت دریځ څرګند کړ. په خپرونه کې د تحریک انصاف مشر او د قومي اسمبلۍ پخواني سپیکر اسد قیصر وویل چې تر اوسه د حکومت له لوري له تحریک انصاف سره رسمي تماس نه دی شوی. د هغه په وینا، د پي ټي آی بنسټګر سناتور علامه راجا ناصر عباس او محمود خان اڅکزي ته د خبرو واک ورکړی او که حکومت خبرې کول غواړي، د تحریک انصاف غوښتنې څرګندې دي او د ګوند بنسټګر ته باید انصاف ورکړل شي.