لانګ مارچ پر خپل ځای دی، په دې اړه دوه نظرونه نشته: بیرسټر ګوهر

کوټه (ویب نیوز) د تحریک انصاف مشر بیرسټر ګوهر علي خان ویلي چې د خیبرپښتونخوا وزیراعلیٰ سهیل افریدي به د لانګ مارچ مشري کوي او لانګ مارچ پر خپل ځای شته، په دې اړه هېڅ دوه نظرونه نشته. نوموړي د محمود اڅکزي او راجا ناصر عباس سره له لیدنې وروسته رسنیو ته وویل چې له دواړو مشرانو سره یې تفصیلي خبرې کړې دي. د هغه په وینا، دا د معمول مشورتي لړۍ ده او له دواړو مشرانو سره هره ورځ مشورې کوي. نوموړي وویل چې د بېلابېلو چارو په اړه یې دواړه مشران خبر کړي او په لیدنه کې د راتلونکي تګلارې په اړه هم پرېکړه شوې ده، په داسې حال کې چې د صوبايي خودمختارۍ اړوند موضوعات هم تر بحث لاندې راغلي دي.