د ارزانه پټرول سکیم به لس میاشتې نوره هم روانه وي: علي پرویز ملک

*کوټه (وېب نیوز) د پټرولیم وزیر علي پرویز ملک ویلي چې د ارزانه پټرول له سکیم څخه تر ۶۰ میلیونو زیات مستحق کسان ګټه اخیستې او که اړتیا وي، دا سکیم به لس میاشتې نور هم دوام وکړي. نوموړي په لاهور کې یوې غونډې ته په وینا کې وویل، حکومت به د دې سکیم لپاره له خپلو سرچینو ۴۰۰ تر ۵۰۰ اربه روپۍ کمې کړي او پر خلکو به یې ولګوي. هغه وویل، په پاکستان کې به د تېلو کمښت رامنځته نه شي او د پټرولیم محصولاتو د بیو په اړه د ده پخوانی بیان ناسم وړاندې شوی و.