د بلوچستان هایکورټ د وفاقي پي اېس ډي پي کې د صوبايي اسمبلۍ د پروژې تفصیل غوښتی دی.

کوټه (وېب نيوز) د بلوچستان اسمبلۍ د ودانۍ د نړولو پر ضد د درخواست په اورېدنه کې د بلوچستان هایکورټ د وفاقي پي اېس ډي پي کې د صوبايي اسمبلۍ د پروژې تفصیل غوښتی دی. د چیف جسټس محمد کامران ملاخېل او جسټس نجم الدین منګل په مشرۍ دوه کسیز بینچ د مقدمې اورېدنه وکړه. د اورېدنې پر مهال اېډووکېټ جنرل عبداللطیف کاکړ وویل چې دا د وفاق له خوا تمویل کېدونکې پروژه ده او د هغې لپاره فنډونه منظور شوي دي. چیف جسټس وویل چې باید معلومه کړل شي چې دغه پروژه په وفاقي پي اېس ډي پي کې شامله ده که نه، ځکه د ده د معلوماتو له مخې په وفاقي پي اېس ډي پي کې د بلوچستان درې یا څلور پروژې شاملې دي. نوموړي زیاته کړه چې معلومات ورته رسېدلي چې د اسمبلۍ اړوند پروژه له پروګرام څخه ایستل شوې ده. درخواست ورکوونکي مؤقف وړاندې کړ چې د اسمبلۍ موجوده ودانۍ تاریخي میراث دی او باید ونه نړول شي، بلکې خوندي وساتل شي. عدالت د وفاقي پي اېس ډي پي کې د بلوچستان اسمبلۍ د پروژې د بشپړ تفصیل وړاندې کولو لارښوونه وکړه او د مقدمې اورېدنه یې د اکتوبر تر ۷مې نېټې وځنډوله.