د خیبر پښتونخوا پر وضعیت د وزیراعظم په مشرۍ غونډه، پر اساسي انتخابونو بحث

اسلام‌اباد (ویب نیوز) د وزیراعظم شهباز شریف په مشرۍ د خیبر پښتونخوا پر سیاسي او امنیتي وضعیت مهمه غونډه شوې چې پکې د پي ټي آی د اکتوبر پر څلورمه لانګ مارچ، په صوبه کې د امن او نظم وضعیت او د بېړني حالت یا ګورنر راج په ګډون پر بېلابېلو اساسي او قانوني انتخابونو بحث شوی دی. په غونډه کې د وفاقي حکومت لوړپوړو چارواکو ګډون کړی و. د سرچینو په وینا، حکومت د صوبې د وضعیت په اړه له ولسمشر آصف علي زرداري او نورو سیاسي شریکانو سره د مشورې پرېکړه کړې ده، خو تر اوسه د بېړني حالت یا ګورنر راج د عملي کولو کومه وروستۍ پرېکړه نه ده شوې. وزیراعظم ویلي چې په هېواد کې د امن او نظم ټینګښت او د پولو ساتنه د حکومت لومړیتوب دی.