په خیبر پښتونخوا کې د بېړني حالت یا ګورنر راج سمدستي پرېکړه ځنډول شوې، سرچینې

اسلام‌اباد (ویب نیوز) د سرچینو په وینا وفاقي حکومت د خیبر پښتونخوا په اړه د بېړني حالت یا ګورنر راج د سمدستي لګولو پرېکړه ځنډولې او پاکستان تحریک انصاف ته یې د اکتوبر پر څلورمه د ټاکل شوي لانګ مارچ په اړه د بیا غور کولو یو بل فرصت ورکړی دی. د وزیراعظم شهباز شریف په مشرۍ غونډه کې د صوبې پر سیاسي او امنیتي وضعیت، د پي ټي آی پر پلان شوي لاریون او موجودو اساسي او قانوني لارو چارو بحث شوی دی. سرچینې وايي، که سیاسي کړکېچ کم شي، حکومت د ځینو سیاسي او اداري اسانتیاوو په اړه هم غور کولی شي، خو که احتجاجي وضعیت سخت شي، د اساسي او قانوني اقداماتو اختیار به پر خپل ځای وي.