پوځ له سیاست سره هېڅ تړاو نه لري: د آی اېس پي آر عمومي رییس

راولپنډۍ (ویب نیوز) د انټر سروسز پبلک ریلیشنز (آی اېس پي آر) عمومي رییس لیفټیننټ جنرال احمد شریف چوهدري د پي ټي آی د اوږده لاریون او د پي ټي آی د بنسټګر په اړه د یوې پوښتنې په ځواب کې ویلي چې پوځ له سیاست سره هېڅ تړاو نه لري. نوموړي په راولپنډۍ کې د خبري غونډې پر مهال وویل چې د سیاست په اړه به د هېڅ پوښتنې ځواب ور نه کړي، ځکه سیاست د سیاسي ګوندونو موضوع ده او حکومتونه سیاستوال او سیاسي ګوندونه جوړوي. هغه وویل، که دولت وي نو ډیموکراسي او سیاست هم وي، ملي عملي پلان سیاستوالو جوړ کړی و او اوس باید پرې عمل وکړي؛ پوځ به د هېڅ سیاسي موضوع په اړه ځواب ور نه کړي.