له بولان څخه د راستنېدو پر مهال د هزار ټاون پر ځوانانو ډزې، یو وژل شوی او دوه ټپیان

کوټه (ویب نیوز) د هزار ټاون شپږ ځوانان په بولان کې له تفریح وروسته کوټې ته پر راستنېدو وو چې په لاره کې وسله والو کسانو په مبینه توګه ودرول او ډزې یې پرې وکړې، چې له امله یې یو ځوان ووژل شو او دوه نور ټپیان شول. د پولیسو سرچینې وايي چې په پېښه کې وژل شوی ځوان ۱۸ کلن مصطفی د نادر علي زوی و، چې د کوټې د هزار ټاون اوسېدونکی بلل شوی دی. د وژل شوي ځوان مړی او ټپیان د طبي او قانوني اجراآتو لپاره د کوټې روغتون ته انتقال شوي دي. یوه ځوان رسنیو ته ویلي چې وسله والو کسانو د دوی د لوټلو هڅه کوله او د مقاومت پر مهال یې ډزې پرې وکړې. له پېښې وروسته په سیمه کې وېره خپره شوې او پولیسو او اړوندو ادارو د پېښې پلټنې پیل کړې دي.