په کچلاک یارډ کې د جناح پیپلز ټرېن انجن له پټلۍ ووت، څېړنې روانې دي

کوټه (ویب نیوز) د کچلاک په یارډ کې د شنټینګ پر مهال د جناح پیپلز ټرېن ۵۱۲۰ نمبر انجن د درېیمې کرښې له پټلۍ ووت. د رېلوی چارواکو په وینا، د ۵۱۲۶ نمبر بدیل انجن په برابرولو سره جناح پیپلز ټرېن له کچلاک څخه سریاب ته ولېږدول شوه؛ ټرېن د سهار په ۱۰ بجو او ۱۵ دقیقو له کچلاک څخه روانه او په ۱۱ بجو او ۳۰ دقیقو سریاب ته ورسېده. چارواکو ویلي چې په لومړني اټکل کې د انجن د پټلۍ څخه د وتلو لامل د فش پلیټ غلا ښودل شوی، خو د پېښې د اصلي علت او نورو حقایقو معلومولو لپاره څېړنې روانې دي. د چارواکو په وینا د جناح پیپلز ټرېن خدمت بېرته د معمول مطابق روان دی.