په دالبندین کې پر نادرا دفتر د وسله والو برید، ودانۍ وسوځول شوه

دالبندین (وېب نیوز) د چاغي ولسوالۍ د یک مچ په سیمه کې نامعلومو وسله والو د پاکستان ـ ایران پر لویه لار لاره بنده کړه، د نادرا دفتر یې کلابند کړ او ودانۍ یې وسوځوله. د پولیسو د سرچینو په وینا، په وسله والو کسانو کې ښځې هم شاملې وې چې د لویې لارې له بندولو وروسته یې نادرا دفتر ته اور واچاوه. د پېښې له خبر ترلاسه کېدو سره سم پولیس او امنیتي ځواکونه د پېښې ځای ته روان شول، خو د پېښې د انګېزې او اوښتې مرګ ژوبلې یا مالي زیان په اړه تر اوسه بشپړ معلومات نه دي خپاره شوي.