د نوشکي د نجونو په ډګري کالج کې ډزې، درې زده‌کوونکې ټپیانې شوې

نوشکي(وېب نیوز)د نوشکي په دولتي ډګري کالج کې درې نقاب‌پوشه وسله‌والو کسانو د ډزو له امله درې زده‌کوونکې ټپیانې شوې دي، چې د یوې روغتیايي حالت نازک بلل شوی دی. د کالج د ادارې په وینا، وسله‌وال کالج ته ننوتلي، د څارنې کمرې او د مدیرې دفتر یې وران کړي او وروسته یې پر زده‌کوونکو ډزې کړې دي. ټپیانې د میر ګل خان نصیر تدریسي روغتون ته لېږدول شوې دي، خو د پېښې د انګېزې او تورنو کسانو په اړه نور معلومات نه دي خپاره شوي.