د شهزاده محمد احمدزي پر تښتول کېدو د نواب ذوالفقار علي مګسي اندېښنه، د خوندي خوشې کېدو غوښتنه

کوټه (وېب نیوز)د بلوچستان پخواني والي او مخکښ سیاستوال نواب ذوالفقار علي مګسي د خان آف قلات آغا سلیمان داد احمدزي د زوی شهزاده محمد احمدزي پر تښتول کېدو ژوره اندېښنه څرګنده کړې او د هغه د ژر او خوندي خوشې کېدو غوښتنه یې کړې ده. نوموړي ویلي، د خان آف قلات کورنۍ د بلوچستان په تاریخ، سیاست او ټولنیزو دودونو کې ځانګړی مقام لري او د دې تاریخي شالید له امله دغه پېښه د اندېښنې وړ ده. نواب ذوالفقار علي مګسي له اړوندو چارواکو غوښتي چې د شهزاده محمد احمدزي د خوندي راخوشې کولو لپاره بېړني او اغېزمن ګامونه پورته کړي او دا موضوع په لومړیتوب کې وڅېړي.