بولان مېل او چلتن اېکسپرېس دې ژر بېرته فعالې شي: د رېلوې کارکوونکو اتحادیه

کوټه (وېب نيوز) د پاکستان رېلوې د کارکوونکو اتحادیې د کوټې څانګې له فدرالي وزیر حنیف عباسي او اړوندو چارواکو غوښتنه کړې چې بولان مېل او چلتن اېکسپرېس دې ژر بېرته فعالې کړي. د اتحادیې د مشرانو په وینا، د دغو اورګاډو بندېدو د بلوچستان عام خلک، مزدوران او کارکوونکي له سفري او اقتصادي ستونزو سره مخ کړي دي. هغوی د ارزانه او خوندي سفري اسانتیاوو د بېرته برابرولو لپاره د بېړنیو اقداماتو غوښتنه کړې ده.