رانا ثناء الله: په ۲۸مه اساسي قانوني تعدیل کې به د ۱۸م تعدیل له مخې د صوبو واکونه بېرته نه اخیستل کېږي

اسلام اباد (ویب نیوز) د وزیراعظم سلاکار رانا ثناء الله ویلي، په ۲۸مه اساسي قانوني تعدیل کې به د ۱۸م تعدیل له مخې صوبو ته ورکړل شوي واکونه بېرته نه اخیستل کېږي، خو د روغتیا، زده کړو او نفوس اړوند اساسي قانوني وضاحتونو لپاره به له صوبو او پاکستان پیپلز ګوند سره پر تفاهم سلا کېدل اړین وي. نوموړي د سماء ټلوېزیون په خپرونه کې وویل، حکومت د تعدیل لپاره اړینه اکثریت نه لري او له ګډې موافقې وروسته به پرېکړه کېږي. هغه ادعا وکړه چې که تحریک انصاف له حکومت سره هوکړه کړې وای، د دغه ګوند د بنسټګر عمران خان خویندې به خوشې شوې وای، خو د عمران خان د خوشې کېدو پرېکړه یوازې د محکمو له لارې کېدای شي. د رانا ثناء الله په وینا، عمران خان په زندان کې له طبي او بنسټیزو اسانتیاوو برخمن دی او حکومت د نورو اسانتیاوو ورکولو ته هم چمتو و. نوموړي د خیبر پښتونخوا پر حکومت د ترهګرۍ پر وړاندې د همکارۍ نه کولو تورونه هم ولګول او ویې ویل چې وزیراعظم له دې وړاندې د ډیموکراسۍ د منشور بلنه ورکړې ده.