پاکستان له خطرناک سیاسي، اقتصادي او ټولنیز کړکېچ سره مخ دی؛ پارلمان باید پیاوړی شي: محمود خان اچکزی

اسلام‌آباد/کوټه کوټه (وېب نيوز) د پښتونخوا ملي عوامي ګوند مشر او د تحریک تحفظ آئین پاکستان مشر محمود خان اچکزي ویلي، چې له کړکېچ څخه د هېواد د ایستلو لپاره د پارلمان پیاوړتیا، د اساسي قانون او عدالت حاکمیت او په ملي چارو کې د ټولو سیاسي ډلو ګډون اړین دی. هغه د ایران او افغانستان په اړه د پارلمان د خبرولو او د حکومت او اپوزېسیون ترمنځ د جدي خبرو غوښتنه کړې ده. اچکزي ویلي، چې د خلکو محرومۍ، ګراني، بېوزلي او د تعلیم ستونزې له پامه غورځول ملي یووالي ته زیان رسولای شي. د هغه په وینا، د کړکېچونو حل په تورونو لګولو کې نه، بلکې د اساسي قانون په برلاسۍ، د پارلمان په واک، عدالت او له ګاونډیو هېوادونو سره د متقابل درناوي پر بنسټ اړیکو کې دی.