ترکیې په اسرائيلي ټاکنو کې د لاسوهنې تورونه رد کړل

کوټه (وېب نيوز) د ترکیې د حکومت د ناسمو معلوماتو پر ضد مرکز په اسرائيلي ټاکنو کې د لاسوهنې تورونه بې‌بنسټه بللي او ویلي یې دي، چې دا ادعاوې د عامه افکارو د اغېزمنولو لپاره د یوې ګمراه کوونکې مبارزې برخه ده. اسرائيلي چارواکي دا ادعا څېړي چې ګواکې له ترکیې او قطر څخه اسرائيلو ته پیسې لېږدول شوې، څو د عربي رایه‌ورکوونکو پر پرېکړو اغېز وشي.