د ګاز زیات استعمال او د اوګرا ټاکلي تعرفې په کوټه کې د بلونو د لوړېدو لامل دي، سوئي سدرن

کوټه (وېب نیوز) سوئي سدرن ګاز کمپنۍ په کوټه کې د لوړو ګازي بلونو په اړه وضاحت ورکړی او ویلي یې دي چې د ژمي پیل، د ګاز زیات استعمال او د اوګرا ټاکلې تعرفې د بلونو د لوړېدو لامل شوي دي. د کمپنۍ ویاند ویلي چې ځینې پېرودونکي د لوړو بلونو د مخنیوي لپاره مېټرونه خرابوي او د داسې مېټرونو بل د نښلول شوي بار له مخې محاسبه کېږي. هغه پېرودونکي چې د کمپنۍ له پرېکړې سره موافق نه وي، کولای شي د خپل حضور په وخت کې د مېټر بدلولو او په لابراتوار کې د ازموینې غوښتنه وکړي. د ویاند په وینا، که اضافي لګښتونه ثابت نه شي، پیسې بېرته ورکول کېږي. په بلوچستان کې د شکایتونو د حل لپاره د مرستې ټیلیفوني مرکز هم جوړ شوی دی.