د هر ډول تېري ځواب به د ګواښ کوونکي له خوا نه ټاکل کېږي: د ایران دفاع وزیر

کوټه (ویب نیوز) د ایران دفاع وزیر مهرداد اخلاقي ویلي، چې د هر ډول تېري د ځواب وخت او اندازه به ګواښ کوونکي نه ټاکي. نوموړي خبرداری ورکړی، چې ایران به هر برید ته متناسب، پرېکنده او اغېزمن ځواب ورکړي. د ایران د دفاع وزیر په وینا، د وسله والو ځواکونو د جګړه‌ییزې وړتیا لوړولو، د دفاعي وسایلو او وسلو د تولید او برابرولو چټکولو او د صنعتي او تخنیکي جوړښت د پیاوړتیا لپاره اقدامات روان دي.