کوټه (وېب نيوز) د جمعیت علما اسلام د کوټې مشرانو ویلي، د ګوند د مشر مولانا فضل الرحمان دفاع او ساتنه یې لومړیتوب دی او په دې اړه به هېڅ ډول جوړجاړی ونه کړي. په یوه ګډ بیان کې یې وویل، مولانا فضل الرحمان د یوې دیني او سیاسي مبارزې استازیتوب کوي او که د هغه امنیت ته زیان ورسېږي، مسؤلیت به یې د واکمنانو پر غاړه وي. مشرانو له دولتي ادارو وغوښتل چې د ملي خزانې د زیانمنوونکو پر ضد بې له توپیره حساب وکړي. هغوی د کوټې د بریالۍ غونډې له امله د ضلع امیر مولانا عبدالرحمن رفیق او د تنظیمي ډلې مبارکي هم ورکړه.
