پي ډي اېم اې کښې د مبينه غير شفاف بهرتيو هڅه، د ميرټ خلاف عمل بلل شوی

کوئټه (نوی ژوند نیوز) پشتونخوا نیشنل عوامی پارٹی په خپل بيان کښې ويلي دي چې صوبايي حکومت او اړوندو ادارو له خوا پي ډي اېم اې کښې د ګريډ 16 او 17 مهمو چوکيو د بلوچستان پبلک سروس کمیشن له لارې د پُر کولو پر ځای په مبينه توګه د غير شفاف، مشکوکو او فرضي ټېسټونو له لارې مستقيمې بهرتۍ هڅې د آئین او قانون ښکاره سرغړونه ده او دا د بلوچستان د زرګونو بې روزګاره ځوانانو سره لوی ظلم دی۔ بيان کښې ويل شوي چې بي پي ايس سي يو آئيني او خپلواکه اداره ده چې هدف يې شفاف او د ميرټ پر اساس روزګار برابرول دي، خو د دې پر ځای د سياسي بنيادونو، خپلوان پالنې او شخصي ګټو د لارې نااهله کسانو ته موقع ورکول کېږي۔ په بيان کښې زياته شوې چې بلوچستان له وړاندې نه د بې روزګارۍ او محرومۍ سره مخ دی او که دا چوکۍ د بي پي ايس سي له لارې پُر نه کړل شي نو د ادارو کمزوري او د ولس بې اعتمادي به نوره هم زياته شي۔ ګوند له عدليې او حکومت څخه غوښتنه کړې چې دا بهرتۍ دې فوري بندې شي او ټولې چوکۍ دې د ميرټ، شفافيت او آئيني اصولو مطابق د بي پي ايس سي له لارې پُر کړل شي، او خبرداری يې ورکړی چې که دا لړۍ ونه درول شوه نو د ټولو جمهوري او قانوني فورمونو له لارې به قوي احتجاج کېږي۔