سرفراز بګټي د پوهنتونونو له مسئولينو سره غونډه کې د بلوچستان د امنيتي او سياسي حالاتو په اړه خبرې وکړې

(نوی ژوند پشتو)میر سرفراز بگٹی د آئی ایس پی آر تر سيوري لاندې په يوه ځانګړې غونډه کې، چې د هېواد د څه باندې دوو سوو پوهنتونونو وائس چانسلرانو، رجسټرارانو، ډينانو او لوړپوړو استادانو ګډون پکې درلود، د بلوچستان د امنيتي وضعيت، پرمختيايي اقداماتو او روانو سياسي روايتونو په اړه خبرې وکړې او ويې ويل چې د بلوچستان په اړه تبليغات او حقايق يو له بل سره توپير لري او د محرومۍ روايت د ځينو ډلو له خوا د ځانګړو موخو لپاره کارول کېږي. نوموړي ادعا وکړه چې بلوچستان لبریشن آرمی او بلوچ یکجہتی کونسل ترمنځ اړيکې موجودې دي او ځينې کسان ځوانان بې لارې کوي. هغه دا ادعا هم وکړه چې په بلوچستان کې تاوتريخوالی او ناامني د پاکستان پر ضد د منظم استخباراتي جګړې برخه ده او ځينو وسله والو ډلو ته بهرنۍ اسانتياوې برابريږي، خو د دغو ادعاوو خپلواکې ثبوتونه نه دي وړاندې شوي. نوموړي وويل چې بلوچستان او پاکستان يو له بل پرته نيمګړي دي۔