اسلام آباد (وېب نيوز)د خزانې وفاقي وزير محمد اورنګزېب د 2026-27 مالي کال په وفاقي بوديجه کې د قومي پرمختيايي پروګرام لپاره د ټولټال 3 زره 675 اربه روپيو د ځانګړې کولو اعلان کړی دی. نوموړي قومي اسمبلۍ ته د بوديجې وينا پر مهال وويل چې په دې رقم کې د وفاقي پرمختيايي پروګرام لپاره يو زر اربه روپۍ او د صوبو د پرمختيايي پروګرامونو لپاره 2 زره 224 اربه روپۍ شاملې دي. د خزانې وزير زياته کړه چې د دولتي ملکيت لرونکو ادارو د پانګونې لپاره 451 اربه روپۍ ځانګړې شوې دي. هغه وويل چې د لارو، رېل پټلۍ او بندرونو پراختيا د حکومت له مهمو لومړيتوبونو څخه ده. د نوموړي په وينا، د وفاقي پرمختيايي پروګرام له لارې د ټرانسپورټي زېربناوو د پراختيا او ښه والي لپاره 365 اربه روپۍ ځانګړې شوې دي، څو اقتصادي فعاليتونه، سوداګري او د هېواد دننه او سيمه ييزې اړيکې لا پياوړې شي.
دجنوبي پښتونخوا لمړی ورځپاڼه | ورځپاڼه نوي ژوند کوټه
ځاي خبرونو
اشتہار
د پاک چین دوستي دې ژوندۍ وي
د پاک چین دوستي دې ژوندۍ وي