لیونل میسي د نړیوال جام د زیاتو ګولونو نوی ریکارډ جوړ کړ

کوټه (وېب نیوز) د ارجنټاین لوبډلمشر د اتریش پر وړاندې د ګروپ جې په سیالۍ کې خپل 17م نړیوال جام ګول ترسره کړ او د فوټبال په تاریخ کې یې نوی نړیوال ریکارډ جوړ کړ. میسي د لوبې په 38مه دقیقه کې ګول وواهه او د جرمني پخواني ستوري د 16 ګولونو ریکارډ یې مات کړ، چې له امله یې د نړیوال جام په تاریخ کې تر ټولو زیات ګول وهونکی لوبغاړی شو. نوموړي تر دې وړاندې د الجزایر پر وړاندې د هیټ ټرک په وسیله د کلوزه ریکارډ سره برابري کړې وه، خو د اتریش پر وړاندې ګول هغه په یوازیتوب سره د دې ویاړ څښتن کړ. میسي چې اته ځله یې د بیلن ډي اور جایزه ګټلې، د 2006 کال راهیسې په نړیوال جامونو کې د خپلو تاریخي لاسته راوړنو لړۍ روانه ساتلې او په 2022 کال کې یې ارجنټاین نړیوال اتل هم کړی و.