د بلوچستان په بېلابېلو سیمو کې د زلزلې سختې څپې، ګڼ کورونه نړېدلي او څو کسان ټپیان شوي

کوټه(ویب نیوز) په بلوچستان کې د تېرو دوو ورځو راهیسې پنځه منځنۍ کچې زلزلې ثبت شوې دي او نن په کوهلو، بارخان او موسیٰ خېل کې یو ځل بیا سختې زلزلې احساس شوې. د پي ډي ایم اې د معلوماتو له مخې په موسیٰ خېل کې ګڼ شمېر خټین کورونه نړېدلي او لږ تر لږه دوه کسان ټپیان شوي دي، چې ژغورنې ډلې په اغېزمنو سیمو کې مرستندویه عملیات ترسره کوي.