سینیٹ کمیټې د خوراکي خوندیتوب او څېړنې غونډه، د خوراکي تېلو پر وارداتو د انحصار کمولو لپاره د کورني تولید پر زیاتولو ټینګار

اسلام‌آباد (وېب نیوز) د سینیټ د خوراکي خوندیتوب او څېړنې قائمه کمېټې غونډه د کمېټې د مشر سېنېټر سید مسرور احسن په مشرۍ ترسره شوه، چې پکې د پاکستان د آئل سیډ ادارې فعالیت، راتلونکی او د هېواد لپاره یې اهمیت وڅېړل شو. ګډونوالو د خوراکي تېلو پر لوړو وارداتو اندېښنه څرګنده کړه او د تېل لرونکو فصلونو د کورني تولید د زیاتولو او د وارداتو د انحصار د کمولو لپاره یې د اغېزمنو ګامونو غوښتنه وکړه. چارواکو غونډې ته وویل چې د هېواد د خوراکي تېلو کلنی وارداتي لګښت له ۵ میلیاردو امریکايي ډالرو اوښتی، او له ۲۰۲۰ تر ۲۰۲۶ پورې د آئل سیډ د تولید د ودې لپاره ۴ میلیارده روپۍ ځانګړې شوې، چې له امله یې ملي اقتصاد ته شاوخوا ۳۶۴ میلیارده روپۍ ګټه رسېدلې ده. کمېټې وزارت ته سپارښتنه وکړه چې د تېرو درېیو کلونو د خوراکي تېلو د وارداتو بشپړ ریکارډ وړاندې کړي او د خوراکي خوندیتوب او اقتصادي ثبات لپاره دې د کورني تولید زیاتول ملي لومړیتوب وګرځول شي.