کولمبیا غانا ته ماتې ورکړه، د فیفا نړیوال جام پري کوارټر فاینل ته یې لار وموندله

کېنساس (یو این اې) د فیفا نړیوال جام ۲۰۲۶ د ناک‌اوټ پړاو (راونډ آف ۳۲) په سیالۍ کې کولمبیا د غوره لوبې په وړاندې کولو سره غانا ته ۱-۰ ماتې ورکړه او د پري کوارټر فاینل (راونډ آف ۱۶) پړاو ته یې لار پیدا کړه. د کېنساس سټي په لوبغالي کې ترسره شوې سیالۍ کې د کولمبیا یوازینی او بریالی ګول خوان اریاس د لوبې په ۱۴مه دقیقه کې ترسره کړ. کولمبیا په دفاع کې پیاوړې لوبه وکړه او غانا ته یې د ټولې لوبې په اوږدو کې د ګول پر لور د یوه اغېزناک شاټ فرصت هم ورنه کړ. په دې بریا سره کولمبیا بل پړاو ته ووتله او هلته به له سویس سره مخامخ شي.