د هنه اوړک په برید کې درې تنه وژل شوي او اته نور ټپیان دي

کوټه (وېب نیوز) د کوټې د هنه اوړک په سیمه کې د برید له امله درې تنه وژل شوي او اته نور ټپیان شوي دي. د ایدهي ادارې په وینا، ټپیان او مړي روغتون ته لېږدول شوي او ټپیانو ته طبي درملنه ورکول کېږي. ځایي اوسېدونکو د امنیتي وضعیت په اړه اندېښنه څرګنده کړې او له حکومت څخه یې د ژر اقداماتو غوښتنه کړې، بلخوا د بلوچستان د روغتیا وزیر د ټپيانو پوښتنه کړې او روغتیايي چارواکو ته یې د غوره درملنې سپارښتنه کړې ده.