کوئټه: د سیاسي شعور په بیدارۍ کې د پرنټ میډیا رول ډېر مهم دی، ډاکټر اسحاق بلوچ

کوئټه (ویب‌سایټ) — ډاکټر اسحاق بلوچ ویلي دي چې په بلوچستان کې د سیاسي شعور، قومي حقونو د پوهاوي او د نوي نسل فکري لارښوونې تر شا د سیاسي مشرانو او پرنټ میډیا مهم کردار دی.هغه دغه څرګندونې د پرنټ میډیا له یوه پلاوي سره د لیدنې پر مهال وکړې، چې سید انور شاه، ډاکټر ناشناس لهړي او سردار شاه زمان پیرکاني پکې شامل وو.ډاکټر اسحاق بلوچ وویل چې سیاسي مشرانو، لیکوالانو او په ځانګړي ډول خبریالانو په هر دور کې خپله ملي ذمه واري ترسره کړې او ولس او ځوان نسل ته یې د راتلونکي په اړه لارښوونه کړې ده.هغه زیاته کړه چې نېشنل پارټي باور لري چې که پرنټ میډیا وي او که الیکټرانک میډیا، دواړه به په راتلونکې کې هم د قومي مسئلو، ولسي حقونو او سیاسي شعور د بیدارۍ لپاره خپل اغېزناک رول جاري ساتي.ډاکټر اسحاق بلوچ وویل چې نېشنل پارټي به د پرنټ میډیا پر ضد هر ډول اقدامات وغندي او په دې اړه به عملي ګامونه هم پورته کړي.هغه د کابینې له خوا د پرنټ میډیا په اړه شوې پرېکړه رد کړه او غوښتنه یې وکړه چې دغه پرېکړه دې ژر تر ژره بېرته واخیستل شي.نوموړي د پرنټ میډیا او خبریالانو ټولنې سره د هر ډول همکارۍ ډاډ هم څرګند کړ۔