په مستونګ د خډکوچه سیمه کې تر بلې خبرتیا پورې ګرځبندیز ولګېد

کوټه (ویب نیوز)د بلوچستان د کورنیو چارو وزارت د امنیتي وضعیت له امله د مستونګ ولسوالۍ د خډکوچه په فرعي تحصیل کې د شپې له ۹ بجو څخه تر بلې خبرتیا پورې د ګرځبندیز (کرفیو) د نافذېدو اعلان کړی دی. د کورنیو چارو وزارت مرستیال بابر یوسفزي ویلي چې د ګرځبندیز پر مهال به د خلکو پر تګ راتګ بندیز وي او له ولس څخه غوښتنه شوې چې د ادارې لارښوونې عملي کړي او له غیر ضروري وتلو ډډه وکړي. هغه خبرداری ورکړی چې د ګرځبندیز د سرغړونکو پر ضد به د قانون له مخې اقدام وشي، او د سیمې د امنیت د ټینګښت لپاره ټول اړین تدابیر نیول کېږي.