اسلام‌آباد: د آی ټي صادرات زیاتول د حکومت لومړیتوب دی، وزیراعظم

اسلام‌آباد (ویب‌سایټ) — وزیراعظم محمد شهباز شریف ویلي دي چې د آی ټي صادرات زیاتول د حکومت له مهمو لومړیتوبونو څخه دي.دا څرګندونې هغه د اطلاعاتي ټیکنالوژۍ او ټیلی کام وزارت د چارو د بیاکتنې غونډې په مشري کې وکړې.وزیراعظم وویل چې د آی ټي سکتور پراختیا او د صادراتو زیاتوالی د هېواد د اقتصادي پرمختګ لپاره حیاتي اهمیت لري، او د پاکستان ځوانان په دې برخه کې لوی استعداد لري چې باید ترې پوره ګټه واخیستل شي.هغه هدایت ورکړ چې په ګلګت بلتستان او آزاد کشمیر کې دې د آسان خدمت مرکزونو کارونه ګړندي کړل شي او دغه خدمات دې نورو صوبو ته هم وغځول شي.په غونډه کې چارواکو وویل چې د آی ټي برآمدات به سږ کال تر ۴.۵ تر ۴.۶ میلیارد ډالرو پورې ورسېږي.همداراز غونډه کې وویل شول چې د ۵G سروسز نیلامۍ څخه پاکستان ته ۵۰۹ میلیون ډالر عواید ترلاسه شوي دي.وزیراعظم ټینګار وکړ چې حکومت به د ډیجیټل پاکستان هدف ته د رسېدو لپاره ټول ممکن ګامونه پورته کوي او د انټرنیټ او آی ټي خدمات به په ښارونو او کلیو کې نور هم پراخ کړي۔