په کوهلو کې د تمبو بند پر پروژه وسله وال برید، پر ماشینرۍ او موټرو ډزې وشوې

کوهلو (ویب نیوز): د کوهلو ولسوالۍ د تمبو په فرعي سیمه کې د جوړېدونکي بند پر پروژه د ساختماني شرکت پر ماشینرۍ او موټرو نامعلومو وسله والو ډزې کړې، چې له امله یې څو موټر او ماشینونه زیانمن شوي او د یو شمېر موټرو ټایرونه هم پنچر شوي دي. د پولیسو په وینا، پېښه د یکشنبې او دوشنبې ترمنځ شپه رامنځته شوې، خو له نېکه مرغه پکې کوم ځاني زیان نه دی اوښتی. وسله والو د شرکت کارکوونکو ته د کار د بندولو ګواښ هم کړی او وروسته له سیمې تښتېدلي دي. د پېښې وروسته امنیتي ادارو د ځای پلټنه کړې، شواهد یې راټول کړي او د بریدګرو د نیولو او د پېښې د بشپړو څېړنو لړۍ روانه ده.