د نرسنګ ټېسټ دې د کوټې پر ځای په خضدار کې واخیستل شي؛ د جهلوان ایکشن کمېټې کلکه غوښتنه

کوټه (ویب نیوز)خضدار د جهلوان ایکشن کمېټې له وزیراعلی بلوچستان، چیف سیکرټري، د بلوچستان د روغتیا ریاست او اړوندو چارواکو څخه په کلکه غوښتنه کړې چې د نرسنګ د داخلې ټېسټ دې د کوټې پر ځای په خضدار کې ترسره شي، څو د خضدار، جهلوان او شاوخوا سیمو زرګونه زده‌کوونکي له اوږده سفر، اضافي لګښتونو او ستونزو څخه وژغورل شي. کمېټې ویلي چې د ټېسټ د اخیستو لپاره یوازې څو تنه چارواکي او کارکوونکي بسنه کوي، خو زرګونه زده‌کوونکي اړ کېږي د ټېسټ لپاره کوټې ته اوږد سفر وکړي، چې د اوسني سخت ګرانۍ، د سفر او استوګنې د لوړو لګښتونو او د روانو حالاتو له امله د ډېرو کورنیو لپاره ستره ستونزه ده. کمېټې له حکومت څخه غوښتنه کړې چې د زده‌کوونکو مالي او سفري ستونزې په پام کې ونیسي او د نرسنګ ټېسټ په خضدار کې ترسره کړي، څو ټولو ګډونوالو ته برابر او اسانه فرصتونه برابر شي.