په ګوادر کې د پولیسو ستر عملیات، د پنجاب ۱۲ یرغمل کسان وژغورل شول

کوټه (ویب نیوز)د ګوادر پولیسو د یوې پټې اطلاع پر بنسټ په یوه استوګنیز کور چاپه ووهله او د پنجاب ۱۲ یرغمل کسان یې خوندي وژغورل. چارواکي وایي، ژغورل شوي کسان خوندي ځای ته لېږدول شوي او لومړنۍ طبي معاینات یې هم ترسره شوي دي. پولیسو د پېښې په اړه پلټنې پیل کړې ترڅو معلومه کړي چې دا قضیه د انسان قاچاق، د تاوان لپاره تښتونه، جبري کار او که د یوې منظمې جرمي شبکې برخه وه. د کور د مالک او نورو شکمنو کسانو د نیولو لپاره هم عملیات روان دي.