حافظ حمدالله: د بلوچستان ستونزه یوازې د سردارۍ نظام پورې تړل د حقیقتونو له پامه غورځول دي

کوټه (وېب نيوز) د جمعیت علمای اسلام (ف) مرکزي مشر حافظ حمدالله ویلي، د بلوچستان اوږدمهاله ستونزه یوازې د سردارۍ نظام پورې تړل د حقیقتونو ساده کول دي. نوموړي وویل، پخوا هم ورته دریځ وړاندې شوی و، خو د وخت په تېرېدو سره څرګنده شوه چې د صوبې امنیتي، سیاسي او اقتصادي ستونزې لا هم پر خپل ځای پاتې دي. هغه زیاته کړه چې د بلوچستان د مسئلې د حل لپاره د اساسي قانون درناوی، د ولسي رایې احترام، د سیاسي بهیر پیاوړتیا، د سرچینو عادلانه وېش او د ټولو اړخونو ترمنځ رښتینی سیاسي مکالمه اړینه ده.