مایک سمیت د پاکستان د ټېسټ لوبډلې د بېټنګ کوچ په توګه د ټاکل کېدو امکان

لاهور (وېب نیوز): د جنوبي افریقا پخوانی فرسټ کلاس کرکټر او د څلورمې درجې روزونکی مایک سمیت ښايي د پاکستان د ټېسټ کرکټ لوبډلې د بېټنګ کوچ په توګه وټاکل شي. د سرچینو په وینا، مایک سمیت چې مخکې یې په پاکستان سوپر لیګ کې د ملتان سلطانز له لوبډلې سره هم کار کړی، ممکن د انګلستان پر وړاندې د راتلونکې ټېسټ سیریز پر مهال د بېټنګ کوچ دنده پر غاړه واخلي. اوس مهال پخوانی ټېسټ لوبغاړی اسد شفیق د لنډمهالي بېټنګ کوچ په توګه دندې ترسره کوي. پاکستان کرکټ بورډ د روان کال په مې میاشت کې د بېټنګ کوچ د ګمارنې لپاره غوښتنلیکونه غوښتي وو او د جون اوومه یې وروستۍ نېټه ټاکلې وه. ټاکل شوې چې پاکستان روانه میاشت د انګلستان پر وړاندې د درې ټېسټ سیالیو لړۍ ترسره کړي.