د افغان طالبانو د حکومت پر ضد وسله وال مقاومت او ولسي غبرګونونه زیات شوي

کوټه (ویب نیوز): په افغانستان کې د بې‌کارۍ، ګراني او حکومتي پالیسیو پر ضد د خلکو غبرګونونه زیات شوي دي. یو شمېر افغان وګړو په ویډیويي پیغامونو کې د طالبانو د حکومت پر پالیسیو نیوکې کړي او ویلي یې دي چې هېواد له سختو اقتصادي ستونزو سره مخ دی. له کابله خپره شوې یوه ویډیو کې یوه افغان وګړي ویلي چې خلک باید د خپلو ستونزو د حل لپاره خپله غږ پورته کړي. همدارنګه د جلال‌آباد یوه اوسېدونکي د ښار د وضعیت او د خلکو د ستونزو یادونه کړې ده. بل لور ته د طالبانو د حکومت پر ضد د وسله وال مقاومت ځینې ادعاوې هم مخې ته راغلي، خو د دغو ادعاوو خپلواکه تایید تر اوسه نه دی شوی.