د ولسي ستونزو حل او د عوایدو په نظام کې شفافیت د حکومت لومړیتوب دی؛ عاصم کرد ګیلو

کوټه (ویب نیوز) د بلوچستان صوبايي د عوایدو وزیر میر محمد عاصم کرد ګیلو ویلي، چې په صوبه کې د ولسي ستونزو حل او د عوایدو په نظام کې شفافیت د حکومت لومړیتوب دی او د خلکو د ستونزو د هغوی تر دروازو پورې د حل لپاره به ټولې شته سرچینې په کار واچول شي. نوموړي وویل، په دې برخه کې به هېڅ ډول غفلت او بې‌غوري ونه زغمل شي او د غفلت کوونکو پر ضد به سخته محکمه‌يي کارروایي ترسره شي. نوموړي دغه څرګندونې له بېلابېلو پلاوو سره د خبرو پر مهال وکړې. هغه وویل، د عوایدو ریاست د عصري اړتیاوو سره سم د برابرولو لپاره د اصلاحاتو پر عملي کولو کار روان دی، څو خلکو ته د ځمکو او نورو ریکارډونو په اړه لا غوره اسانتیاوې برابرې شي. نوموړي زیاته کړه چې صوبايي حکومت د اداري فساد د له منځه وړلو او د ولس د خدمت په موخه ګامونه پورته کوي. میر عاصم کرد ګیلو افسرانو ته لارښوونه وکړه چې په دفترونو کې دې د خلکو اسانتیا ته لومړیتوب ورکړي او د ولس د شکایتونو د ژر تر ژره حل لپاره دې ډاډمن اقدامات وکړي.