په سرانان بازار کې ترهګري د غندلو وړ ده، ککړ عناصر به قانون ته وسپارل شي، میر سرفراز بګټي

کوټه(ویب نیوز) د بلوچستان وزیراعلیٰ میر سرفراز بګټي په سرانان بازار کې د ترهګرۍ پېښه په سختو ټکو غندلې او د بې ګناه او محنتي مزدورانو پر شهادت یې ژوره خواشیني څرګنده کړې ده. نوموړي وویل چې د بلوچستان او هېواد د ابادۍ او پرمختګ لپاره پر کار بوخت بې ګناه مزدوران په نښه کول د ترهګرو د ظالمانه او بزدلانه ذهنیت څرګند ثبوت دی. وزیراعلیٰ وویل چې د بې ګناه وګړو وینه تویونکي عناصر هېڅ ډول رعایت مستحق نه دي او دا ډول بریدونه د ملت هوډ کمزوری کولی نه شي. هغه څرګنده کړه چې ترهګر او د هغوی مرستندویان به په هر صورت قانون ته وسپارل شي او له بلوچستان څخه د ترهګرۍ تر بشپړ ختمېدو پورې به پرېکنده عملیات بې له ځنډه روان وي. میر سرفراز بګټي د شهیدانو له کورنیو سره د زړه له کومې خواخوږي څرګنده کړه او ویې ویل چې په دې سخت وخت کې ټول دولت او ملت د هغوی په غم کې شریک دي.