د ایران د سفر په اړه د فیلډ مارشل عاصم منیر د نړیوالو رسنیو پراخه پوښښ

اسلام آباد(ویب نیوز) د پاکستان د وسله والو ځواکونو مشر فیلډ مارشل سید عاصم منیر د ایران سفر د نړیوالو رسنیو له خوا په پراخه کچه پوښښ شوی دی. امریکايي مجلې بلومبرګ ویلي چې د سفر اساسي موخه د واشنګټن او تهران ترمنځ د ځنډېدلو خبرو د بیا پیل لپاره هڅې کول وې، رائټرز ویلي چې ایران ته له سفر وړاندې فیلډ مارشل عاصم منیر د امریکا له ولسمشر ډونلډ ټرمپ او لوړپوړو چارواکو سره هم خبرې کړې وې. د ایران د ولسمشرۍ دفتر د نوموړي سفر ډېر مثبت او نتیجه ورکوونکی بللی او ویلي یې دي چې مهمې سفارتي لاسته راوړنې شوې او پایلې به یې ژر څرګندې شي. فیلډ مارشل عاصم منیر په ایران کې له ولسمشر مسعود پزشکیان، محسن رضايي، د پارلمان له مشر محمد باقر قالیباف، د بهرنیو چارو له وزیر عباس عراقچي او د کورنیو چارو له وزیر اسکندر مومني سره لیدنې وکړې او د کړکېچ د زیاتېدو د مخنیوي، د هرمز تنګي د بیا پرانیستلو او د شخړې د ژر پای ته رسولو په اړه یې خبرې وکړې.