د سوداګر صلاح الدین نورزي د وژنې غندنه، قاتلان دې ژر تر ژره ونیول شي

کوټه (ویب نیوز) د سوداګر صلاح الدین نورزي وژنه په کلکه غندل شوې او له حکومت او امنیتي ادارو څخه غوښتنه شوې چې په پېښه کې ککړ کسان دې ژر تر ژره ونیول شي او د قانون منګولو ته دې وسپارل شي. د سیاسي او سوداګریزو کړیو له خوا ویل شوي چې د یوه سوداګر په وژلو سره د ښار د امنیتي وضعیت په اړه جدي اندېښنې پیدا شوې دي او د سوداګرو او عامو وګړو ترمنځ وېره خپره شوې ده. دوی له حکومته غوښتنه کړې چې د سوداګرو او ولس د سر او مال د خوندیتوب لپاره اغېزمن ګامونه واخلي او د صلاح الدین نورزي کورنۍ ته دې عدالت ورکړل شي.