اوسنی نظام خدمت نه شي رسولی، ۱۶۰ بااختیاره ضلعې حکومتونه یا ۱۵ صوبې دې جوړې شي، احسن اقبال

اسلام آباد (ویب نیوز) د پاکستان د پلان جوړونې وفاقي وزیر احسن اقبال ویلي چې د هېواد اوسنی اداري نظام د نفوس د زیات فشار له امله تر خپل ظرفیت زیات بار لري، نو باید ۱۶۰ بااختیاره ضلعې حکومتونه یا ۱۵ صوبې جوړې شي. هغه وویل، له بدین څخه تر ګوټکي پورې لویه سیمه له کراچۍ او له رحیم یار خان څخه تر اټک پورې پنجاب له لاهور څخه په اغېزمن ډول نه شي اداره کېدای، همدارنګه له ډېره اسماعیل خان څخه تر چترال پورې خیبر پښتونخوا له پېښور څخه اداره کول ستونزمن دي. احسن اقبال زیاته کړه چې بلوچستان هم د پسني څخه تر ژوبه او له قلعه سیف الله څخه تر کوټې پورې د اغېزمن اداري نظام اړتیا لري، او خلکو ته د تعلیم، روغتیا، پاکوالي او پاکو اوبو برابرول باید له سیاسي شعارونو او ګوندي ګټو مهم وبلل شي.