خانپور کې د واده د مېلمنو له ټراکټور ټرالي سره د ټریلر ټکر، ۷ کسان مړه، ۵۹ ژوبل

خانپور (ویب نیوز) د ملي لویې لارې په سردار ګړھ سیمه کې د واده د مېلمنو له ټراکټور ټرالي سره د ټریلر د مخامخ ټکر له امله ۷ کسان مړه او ۵۹ نور ژوبل شوي دي. د ضلعي ادارې په وینا، ټراکټور ټرالي له سردار ګړھ څخه ظاهر پیر ته روانه وه چې له یوه مخامخ راتلونکي ټریلر سره ټکر شوه. د پېښې ۳۷ ژوبل کسان د میانوا‌لي قریشیانو تحصیل روغتون او ۲۲ نور د شیخ زاید روغتون ته انتقال شوي دي. د ژغورنې ادارې په وینا، پېښه د ټریلر چلوونکي د بې احتیاطۍ او غفلت له امله رامنځته شوې ده.