د منګي بند پمپنګ سټېشن ترهګریز برید؛ تحقیقاتي کمېسیون د پولیسو څلور کسیزه رابطوي ډله وټاکله

کوټه (ویب نیوز) د منګي بند پمپنګ سټېشن، ضلع زیارت کې د شوې ترهګریزې حملې د تحقیقاتو لپاره جوړ شوي تحقیقاتي کمېسیون، چې مشري یې جسټس محمد عامر نواز رانا کوي، په پرانیستې محکمه کې د قضیې اورېدنه وکړه. د اورېدنې پر مهال د پولیسو له لوري شفیق الرحمن، ای اې ای جي (لېګل)، سي پي او کوټه د کمېسیون مخې ته حاضر شو او د بلوچستان د پولیسو د عمومي مشر له خوا د ۲۰۲۶ کال د سپټمبر پر لومړۍ نېټه جاري شوی حکم یې وړاندې کړ. دغه حکم د تحقیقاتي کمېسیون د ۲۷ اګست ۲۰۲۶ د حکم د عملي کولو په موخه صادر شوی و. د حکم له مخې د پولیسو له خوا څلور کسیزه رابطوي ډله ټاکل شوې چې پکې پروېز خان عمراني، ډي اېي جي پي سبۍ رېنج، شفیق الرحمن، اې اېي جي پي لېګل، سي پي او کوټه، سید فاضل بخاري، اېس اېس پي انویسټیګېشن، سي ټي ډي بلوچستان او عبد المالک دراني، ډي اېس پي/اېس پي زیارت شامل دي. دغه رابطوي ډله به د پولیسو په استازیتوب د تحقیقاتي کمېسیون د کارروایۍ بشپړه څارنه او تعقیب کوي. د اورېدنې پر مهال د زیارت ډي اېس پي/اېس پي کمېسیون ته وویل چې د ترهګرو پر وړاندې محاصره تنګېږي او پولیس د ترهګرو د ځپلو لپاره په بشپړه انرژۍ او اغېزمنې ستراتیژۍ سره فعالیت کوي. په دې مهال یو شمېر ثبت شوي شاهدان هم د تحقیقاتي کمېسیون مخې ته حاضر شول او خپل بیانونه یې ثبت کړل. د تحقیقاتي کمېسیون نوره کارروایي د ۲۰۲۶ کال د سپټمبر پر ۹مه، چهارشنبه، د غرمې په یوه بجه پورې وځنډول شوه.