چین ایران ته پوځي سامان نه ورکوي، هرمز پرانی ساتل غواړي: ډونالډ ټرمپ

واشنګټن (نوې ژوند) د امریکا ولسمشر ډونالډ ټرمپویلي دي چې چین به ایران ته پوځي ساز و سامان ورنه کړي او غواړي چې د هرمز تنګی پرانیستې پاتې شي. نوموړي د یوې امریکايي ټي وي چینل سره په مرکه کې وویل چې چین د ایران او امریکا ترمنځ د احتمالي هوکړې ملاتړ کوي او د چین ولسمشر Xi Jinping د هرمز تنګي د پرانیستې ساتلو لپاره د مرستې وړاندیز هم کړی دی. ډونالډ ټرمپ زیاته کړه چې چین له ایران څخه ډېر تېل اخلي او غواړي دا لړۍ روانه وساتي، ځکه بیجینګ د نړیوال تجارت لپاره د هرمز تنګي پرانیستې ته مهم ارزښت ورکوي. هغه دا هم وویل چې چین د 200 بوینګ الوتکو د اخیستلو هوکړه کړې ده. بل لور ته د امریکا د بهرنیو چارو وزیر مارکو روبیوویلي چې امریکا د ایران د مسئلې په اړه له چین څخه د کومې ځانګړې مرستې غوښتنه نه ده کړې.